بدع ى بديع

somayaelwakel الأربعاء مايو 26, 2010 2:49 am

مين فينا فاكر مواقف الطفولة مع بابا وماما واستاذى واستاذتى وزميلى وزميلتى
واخويا واختى

طبعا كلنا فاكرين

وكلنا بيبقى معلق معانا شوية مواقف من صغرنا وعمرنا مابننسها

انا عاوزة هنا كل واحد فاكر موقف او حاجة عملها مشاغبة مش مشاغبة

ويكون لما بيفتكرها يعد يضحك

ويقول ياااااااااة دانا كنت عيل اوى

دانا كنت زكى اوى

دانا كنت رخم اوى

دانا كنت لمض اوى

دانا

دانا

دانا

عايزين قمة فى التهييييس

ومتاكدة اننا هانفك فى الموضوع دة

مااحلى تذكر الزكريات

والتفكر بها

يااااااااااااااة بجد احساس حلو

منتظرة مشركاتكوا

كل واحد يتكلم عن نفسوا وعن مشغبتوا من وهو نونو لغاية ماحس ان سن طفوتلة خلص

يعنى 15

16

17

انا عن نفسى

18

19

20

وانت طالع king

somayaelwakel الأربعاء مايو 26, 2010 2:52 am

وانا هبدا اول واحدة
هو موقف قريب حصلى

السنادى يعنى

الدراسة بدات

وبما ان انا فى ثانوية عامة

فامش بروح المدرسة

اعدت اول شهر من الدراسة ماروحش

وماستلمتش الكتب

ومادفعتش مصاريف

ولا اى حاجة

فلما جالى انزارات رفد

لولا ان بابا هو الى اخدهم من بتاع البوستة

والله ماكنت روحت

بس نعمل اية بقى

المهم بابا غاصبنى اروح

وانا كنت بقى بقالى كتير مابصحاش بدرى

فقلت هاروح بقى وخلاص

صحيت الساعة تسعة الا ربع

وهو اصلا الحصة الاولى الساعة 8

فقمت لبست وكدة ونزلت وصلت المدرسة الساعة تسعة ونص

فاداخلة من البوابة زى الناس الطبيعين يعنى

المهم

ف البواب لقانى داخلة كدة

قام قالى اية

استنى

انتى داخلة كدة عادى

هى مدرسة من غير بواب ولا اية

قلتلة اة انا اعرف ان الوكالة بس هى الى ليها بوابة عشان كدة بيقولا هى وكالة من غير بواب.؟

قالى صباح اللماضة

قلتلة طيب ممكن بعد اذنك ادخل

قالى انتى جاية متاخرة لية

كنتى فين

قلتلة كنت نايمة

فى البيت

قالى مهو فى مواعيد فى المدرسة المفروض تلتزمى بيها

قلتلة مهو انا اصلا هاطلع الفصل مالقيش ولا واحدة ولا مدرسين ولا حاجة

قالى طيب اطلعى

فاشيت خطوتين كدة

وبعدين قمت راجعة

قلتلة طب لوسمحتى بقى

فصول علمى رياضة المانى فى انهى مبنى وفى الدور الكام وحرف السين انهى فصل

قالى نعم

هو انتى انهرضة اول يوم تحضرى

قلتلة اة

مهو انا اصلا لو كنت جيت كنت هلاقى الفصل مافيهوش ولا واحدة ولا مدرسين بيشرحوا

المهم دخلت

اعدت ادور عالفصل

وبعدين مس الغياب جت

قالتلى اسمك اية عشان اسجلك حضور

قلتلها سومية عبد الوكيل

وبتفتح الدفتر لقتنى بالعرض كدة على كل الدفتر بالعرض

غ غ غ غ غ غ غ غ غ غ غ غ غ

قالتلى اة انتى بقى الى كنت هاتترفدى

قلتلها اة انا الى كنت هاترفد

قالتلى وانتى مالك مبسوطة اوى كدة لية

قلتلها ولا مبسوطة ولا حاجة

وبعدين مشيت

وجة مستر كميا

شرحلة درس كدة

وكنت لوحدى يعنى

وبعدين قلتلة هنزل اشرب

ونزلت لقيت وانا معدية بالصدفة كولدير ميا ساقعة فى اودت المديرة

فا اتغاصت جدا

ان اشعنى هى عندها كولدير واحنا لا

اشمعنى هى تشرب وتستمتع وهيا لا

المهم طلع للمستر

مخنوقة وعمالة انفخ

بيقولى مالك قرفانة لية

قلتلة كذا كذا

قالى ايوة بس دى مديرة وانتى مجرد تلميذة

قلتلة لا

هى مديررة وانا تلميذدة

احنا الاتنين لينا مراكز مهمة

قلتلة هى تنفع تبقى تلميذة

قالى استحالة

قلتلة انا ينفع ابقى مديورة زيها

قالى استحالة

قلتلة خلاص

يبقى هى حاجة مهمة وانا بدرة حاجة مهمة

هى بتادى دور وانا بادى دور

قالى شكلك عندك شوية مبادئ وحبة وهايروحو مع السنين

قلتلة لا

سن اعدادى وثانوي سن التخلى عن المبادئ منن وجهة نظر الناس

لكن انا والحمد لله وصلت لتانية ثانوى ولسة ماتخلتش عن مبادئى ومش ناوية اتخلى عنها

قالى انتى اربع سنين وكلك هاتتغيرى

دماغك

تفكيرك

قلتلة انا عارفة نفسة

وربنا يعينى

قالى طب ادينى رقمك

وكلمينى بعد اربع سنين قوليلى اتغيرت ولا لا

قلتلة طيب

016 ...

قالى مش بعرف اسيف حاجة ع الموبايل خدى سيفيلى

قلتلة ماشى

اخدت تليفونة

وقلتلة اسجلنى باسم اية

قالى انتى اسمك اية قلتلة سومية

طب وهاتفتكرنى ازاى

قالى سجلية سومية مبادئ

وانا اخدت رقمة

وانتهت حكاية انهرضة

طبعا عاوزة تعليقاتكم عن الموضوع والى انا قلتة

محمد كشك الأربعاء مايو 26, 2010 6:09 am

بسم الله الرحمن الرحيم

انا انهرده جايب لكم موقف حصل معايا السنه اللي فاتت ، لما كنت رايح علشان اقدم في كلية الشرطة
المهم اول يوم اروح فيه الكلية كان يوم اسود ومطين على دماغي ودماغ كل اللي بيفكر يقدم شرطه ، بجد انا فاكر اليوم ده زي ما يكون حصل امبارح ، كنت متفق مع اصحابي اللي رايحين معايا الكلية علشان نقدم اننا هنتقابل عند المحطة الدولية الساعه 4 الفجر علشان نلحق نلحق نتقدم ونرجع تاني بسرعه ، انا يومها طبعا نمت من بردي علشان استعد للمعركة تاني يوم هي بالنسبة ليا كانت معركة ان انا اقوم الساعه 3 الفجر لييييييييييييييييييييييييه قايم ابيع لبن بس برده يومها بابا ماسابنيش الا لما قمت ، جهزت نفسي واخدت معايا كل ورقي من يوم ما اتولدت لغاية ما قمت من النوم الساعه 3 علشان مسيبش فرصة لاقل امين شرطه هناك يقولي فوت علينا بكره ورقك ناقص من اول شهادة الميلاد وانت طااااااااااااالع لحد شهادة الثانوية العامشة وطبعا منسيتش البطاقه علشان لو اشتبوا فيا هناك ان انا مثلا شبه توم كروز ولا حاجه يبقى معايا دليل ان انا محمد كشك ،المهم خرجت يومها من بيتنا الساعه 4 الا ربع زي ما اكون طفشان من البيت او عليا تار ، زربنا رزقني يومها بسواق تاكسي زي العسل ربنا يحميه من سواقين النقل التقيل يا رب ، المهم شاورتله لقيته اساسا مش واخد باله فين وفين على ما بصلي ووقف بعد يجي عشرة متر ، المهم جيت على نفسي وروحتله قولتله المحطة الدولية يا اسطى قام باصصلي كده وقعد يجي دقيقه مبيتكلمش وقالي اه ، ركبت معاه وقولتله يلا يا جدو بسرعه علشان متأخر ، هو تقريبا مسمعنيش وقعد يجي دقيقه كمان علشان ينقل على الاول قلت يمكن الاول معلق معاه او بيفكره بذكرى هباب قلت معلش ، ربنا سهلها معاه واخيرا نقل على الاول وفضلنا طول الطريق ماشيين على الاول عرفت ساعتها ان الاول مبيفكروش بذكرى اليمه ولا حاجه وطلع في عشق بينه وبين الاول ، وكانت تاني مشكلة قابلتني في التاكسي بعد مشكلة الاول دي ، ان في كاراكتر تاني شاور للتاكسي وياريته ما شاور قلت لجدو في واحد بيشاور هو ايوه اخد فترة على ما سمع انا بقول ايه وبعدين قام واقف الكابتن جه وقاله طلخا يا باشا جدو تقريبا مسمعش هو بيقول ايه قولتله اركب هو بس لسه مفطرش ، اخيرا جدو وصل بيا عند مصر للطيران انا قلت لو وصلنا لغاية المحطة الدولية وقولتله اقف هنا مش هينزلني الا عند المحافظه فقولتله وقف هنا يا جدو وفعلا زي ما توقعت على ما سمع كنا وصلنا عند الاتوبيس فقام واقف ، انا مش عارف هو اساسا نزل من بيتهم ليه ، انا اول مرة اشوف سواق تاكسي مبيمشيش الا على الاول ده الميكروباص اول ما بيطلع بيطلع على التالت وصلت المحطة لقيت اصحابي كانوا خلاص قربوا يولعوا فيا ، لقينا ميكروباص رايح مصر ركبنا فيه السواق كان شكلة كده شارب حاجه ، كان ماشي بينا على 140 وكان بياخد المطبات على 70 ، كان مجنون رسمي ، وصلنا مصر بس السواق حب يعمل معانا واجب وبدل ما نتشعبط في المواصلات جوه مصر قال يوصلنا هو للكلية قام واخد طريق كوبري قصر النيل حظ امه الهباب كانت واقفه لجنة هناك قام موقفه ونقعد نتحايل على الظابط ياعم ده احنا اللي قولناله يجي وصلنا للكلية وبعدين ده احنا برده كلها كام سنة وهنقف مكانك برده الظابط راكب دماغه ولازم ياخد الرخص وصلنا معاه ف الاخر ان السواق هوصلنا لموقف عبود واحنا نتصرف هناك والسواق هيرجع تاني للظابط علشان يروقه ، ومن موقف عبود ركبا كلية الشرطه ووصلنا الكليه كانت تقريبا الساعه 7 الصبح وكان معاد دخولنا الساعه 8 فضلنا مستنين الساعه دي بره قاعدين نهزر ونتخيل ايه اللي جو الصرح العظيم ده ، وفجأه وبدون سابق انذار دقت الساعه الثامنه تان تان تان ، جرينا كلنا على البوابه زي الغنم عمالين نزق ف بعض علشان نشوف مين اللي هيدخل الاول ، جه عسكري قام موقفنا كلنا صف واحد وقال ( اللي معاه موبايل بكاميرا يسيبه بره علشان محدش هيدخل بموبايل فيه كاميرا ) الغنم كلها اتبعترت قمنا رايحين سايبين كل موبايلاتنا مع راجل قاعد هيستنى ابنه لحد ما يخرج ، الراجل ده لو كان خلع بالموبايلات كان زمانه دلوقتي مالتي مليونير ، المهم رحنا وقفنا ف الصف تاني ودخلنا واحد بواحد ، كل واحد بيدخل بيتفتش من فوق لتحت ومفيش هنا واسطه كله هيتفتش ده لو داخلين على لجنة مش هنتفتش كده ، المهم اتفتشنا ودخلنا وقفونا اربع صفوف بين كل صف وصف رتبة محترمه وكام عسكري فضلنا واقفين ساعة الا ربع علشان رئيس الأكادمية كان معدى وكان لازم يشوف التنظيم ، دخلنا بعدها علشان ناخد الاستمارات ودفعت فيها<<< 80 جنيه>>> مش مسامح فيهم اخدنا الاستمارات وقسمونا مجموعات كل مجموعه بدخل من باب علشان يدخلوا على الاماكن اللي هيملوا فيها الاستمارات دخلت مع مجموعتي لقيت عسكري واقف بيوزع ورق قلت يمكن اعلان عن مطعم جديد اصلي بصراحه كنت جعان اوي ساعتها لقيته ورق تاني المفروض هنملاه برده مع الاستماره اخدت الورق وقمت رايح قاعد ف جمب كده لوحدي علشان اشوف هملا الورق ده ازاي لقيت كتبت اللي ربنا قدرني عليه زي رقم البطاقه والاسم وشوية بيانات هايفه خلصتها من الورق اللي كنت جايبه معايا ، دخلت على الاستمارة التانيه لقيته طالب بينات عيلتي كلها اسماء اعمامك ومئهل كل واحد فيهم وشغلته ايه ونفس الكلام بالنسبه للأخوال والخالات والعمات ، قعدت اكتب اكتب اكتب ومعرفش اللي انا بكتبه ده صح ولا غلط ، انا اساسا معرفش اسامي اعمامي هعرف كل ده عنهم لييييييييييه شغال ف البطايق ولا ايه ، المهم نقيت ظابط وشه سمح كده علشان ادخل بقى اصحح ورقة اجابتي بعد ما خلصت امتحان العيلة ده قعدت قدامه وفعلا كان وشه سمح قالي اسمك ايه قولتله محمد محمود سعد كشك قالي خالك مجاهد بيشتغل ايه يا محمد قولتله ظابط في الجيش قالي ومش كاتب السلاح اللي هو كان فيه ليه قمت واخد منه الورقه وكاتب السلاح اللي كان خالي فيه قالي طيب خالك جميل شغال ايه قولتله عنده شركة سياحة ف السعوديه قالي ومش كاتب اسم الشركه ليه طب ايه الواقعه السوده دي وانا هعرف اسم الشركه منين قمت كاتب اسم الشركه اللي كان بابا شغال فيها قبل ما ينزل من السعوديه قالي طيب عمك عبد المجيد شغال ايه قولتله مزارع قالي مزارع مالك ولا مستأجر قولتله لا مالك قالي مش كاتب كده ليه ولما هو مالك مش كاتب هو عنده كام فدان ليه قولتله لا باه لحد هن وانا مش هقدر اكمل ممكن موبايلك ارن لبابا ، وساعتها حسيت ان هو كان اتخنق مني علشان بياناتي اللي ناقصه وكمان ببجح وبطلب تيليفونه مع انه كان لسه رائد يعني امال لو كان لواء بقى كان عمل ايه مش مهم المهم خرجت بره الاوضه اللي كان فيها الظابط ده وقمت رايح لواحد صاحبي واخد منه تيليفونه وقمت مركب شريحتي ومتصل ببابا اخدت منه البيانات اللي كانت ناقصه دي وعرفت عمي عنده كام فدان واسم شركة خالي ولاول مرة ف حياتي اقول لبابا جدو كان شغال ايه ، قفلت مع بابا ودخلت تاني للظابط قالي يا رب تكون خلاص كملت كل حاجه قولتله ان شاء الله كله تمام قالي طيب جدك ابو والدك كان شغال ايه قولتله مزارع قبل ما يموت قالي كان عنده كام فدان بس انا كنت صايع وعارف انه هيسألني كده فكنت سائل بابا فقمت قايله كان عنده (..... فدان) علشان الحسد بس مش اكتر قالي طيب وبعد ما مات الارض دي راحت فين قولتله اتوزعت على اعمامي قالي ومش كاتب ليه نصيب كل عم فيهم قمت واخد الورقه وقلت مش لسه هتصل على بابا قمت موزعها كده بالبركه حادي بادي وخلصت من ام اليوم الاسود ده وقام ماضي على الورقه بعد ما سألني عن كل واحد انا كاتبه ف الورقه ان كده خلاص الورق كامل واقدر دلوقتي اروح على اختبار القياس ، رحت غرفة تبديل الملابس غيرت هدومي وفضلت واقف ساعه كده مستني حد ينادي على اسمي علشان ادخل اقيس واخلص من ام اليوم ده بقى وفعلا شويه كده وعسكري جه نده على اسمي فدخلت اوضة القياس لقيت ناس جوه بالعبيط فضلت مستني سلعه كمان على ما الدور جه عليا ودخلت على الظابط اللي بيقيس قام قايس طولي لقاه تمام قاس عرض الصدر لقاه تمام قام ماضيلي على الورقه هو كمان قلت ايه حكاية الامضائات الكتير دي وكل امضه برتبه تودي ف داهية الواحد لو دخل بالورقه دي على لجنة يشيلوه من على الارض ويعدوه النحية التانيه المهم مضى على الورقه وقالي ادخل الاوضه دي علشان تتوزن دخلت اتوزنت وخلصت قمت خارج لابس هدومي علشان استعد لآخر اختبار في اليوم ده ، الاختبار النفسي آن آن آن
ركبت الباص بتاع الشرطه دي باص اخر موديل مكيف بصراحه مكنتش عاوز انزل منه بس المشكله وصلنا المدرج اللي هنمتحن فيه بسرعه ونزلنا من الباص ودخلنا المدرج حاجه اخر نضافه ولقيته متقسم برده مجموعات وجمب كل مجموعه امين شرطه بيراقب علينا وعسكري قام جاي موزع الورق وقال الامتحان مدته 10 دقايق انا بصيت للورقه من هنا وجالي احباط ف ساعتها اسئله محدش يجاوب عليها خمش اسئله اكمل الفراغات وخمس اسئله اختر من بين القوسين وخمس اسئله صح وغلط ، وقبل ما يغمى عليا بخمس ثواني جه العسكري اللي بيراقب عليا ولم مننا البطايق ولقيته بيبص ف اسمي اوي كده وبقولي انت محمد كشك قلت يمكن قرايب ولا حاجه قولتله ايوه انا قالي طيب ماتحلش حاجه الظابط ماهر عاوزك قولتله فين ف الخرابه قالي انت هتهزر قولتله لا والله بس هو فين الظابط ماهر قالي هو ف اجتماع وجاي دلوقتي وكان موصي عليك وبيقول متخلوهوش يحل حاجه ، فضلت قاعد يجي خمس دقايق مستني الظابط ماهر ده محدش جه قلت للعسكري انت متأكد انه جاي قالي ايوه جاي قولتله اصل الوقت كده هيخلص قالي ملكش دعوه ، شويه ولقيته جايلي تاني بيقولي الظابط ماهر جه اخرج كلمه فخرجت لقيت مقدم واقف قدامي بيتكلم ف التليفون وبيقول ايوه يا احمد باشا هو واقف اهو قدامي قلت مين احمد باشا اللي يعرفني ده انا معرفش بشوات بالاسم ده المهم قام مديني التليفون وقالي احمد باشا عاوزك كلمته لقيته المقدم أحمد يس جوز بنت خالتي كلمته وظبطنا العمل وعرفت ان انا مش لوحدي امال مبهدلين اهلي ليه من الصبح ويقولي عمك وخالك وجدك وزع الارض قد ايه المهم ماهر باشا قام واخد الورقه بتاعتي وقام كاتبلي الاجابات وقالي كده خلاص تقدر تروح خرجت لقيت الباص النضيف ده لسه مستني قمت راكب واحلى حاجه انه فضل مستني الناس لما خرجت من المدرج ففضلت قاعد ف التكييف شويه كتير قبل ما اخرج بره واتخنق من الحر ، الباص وصلنا لباب الاكادمية وخرجنا لقيت الراجل بتاع الموبايلات قاعد وحاطت قدامه تلات كراسي مليانين موبايلات قمت واخد موبايلي ومروح بس على قد ما اتهزقت كتير من الظباط ف اليوم ده وكل ظابط كان بيجي يفرد نفسه بس كان يوم لذيذ وعدى على خير

بدع ى بديع

بدع ى بديع

رد: بدع ى بديع

رد: بدع ى بديع