حرام عليك يا زمن . مالك بيا

مالك ومالي يازمن

بتقسى ليه عليا

مات كل فرحي يازمن

والحزن بقى كله ليا

لو كنت ناسي يازمن

قول وتفكرك عنيا

عيني اللي ياما يازمن

بكت وشافت قسيا

اقسى كمان يازمن

شمت اعدائي فيا

أصحاب ..أحباب يازمن

الكل بيجرح فيا

وماعدش فيا يازمن

اعيد كل اللي راح

فات عمري كله يازمن

بين قسوه وبين جراح

ولاحد حس يازمن

ولا يوم بيقول سماح

على اللي عمله يازمن

من هجر ومن جراح

مالك ومالي يازمن

عايز من قلبي ايه

تجرح وتقتل يازمن

ولا يوم بقول في ايه

بس افتكر يوم يازمن

يوم مابكيت عليه

رجعت وقولت يازمن

ده ميستاهلش اِنسيه

وحاولت أنساه يازمن

دايما بتفكرني بيه

صوته وصورته يازمن

ماغبتش عني ليه؟؟

حرام عليك يازمن

كفايا اللي انا فيه

حلو اوي يااحمد بس حزين اوي اوي
بس دماغ يعني

علمتنى الحياه ان لا اثق ف احد ابد ولكن الاصاله علمتنى ان لا انسى من احب

نيس توبيك يا احمد