بحبك يا مشمش(موضوع المسابقه 2)

**el_jo** الثلاثاء يوليو 06, 2010 4:31 pm

بعد التحيه وبعد السلام
هقول عن حارتنا شويه كلام
فى حارتنا ناس كتير
الكل فيها واقف طوابير
طابور العيش وطابور الهم
طابور الشقى وحرقه الدم
تسمع فيها ام محمد بتنادى
على الواد محمد وتدادى
يا ابنى اجرى انده عم حسين
يصلح البوتوجاز بدل ما احنا ليصين
وام اشرف واقفه تلم وتنشر غسلها
بس بامانه ست بتراعى فى غسلها ضمرها
اصلها ست بتاعت ربنا ومؤمنه
وتصعب عليك كدا من غير مسكنه
وتسمع صوت عم رجب الميكانيكى
بيقول للواد بليه (الشيشه قبل ما تيجى)
وتلاقى ام وفاء وام عماد وام منى وام حبيبه
قاعدين يلمو فلوس الجمعيه للحاجه رتيبه
اصلها عايزه تعمل عمره رمضان
وتدعى لابنها اللى واقف ورا القضبان
اصله مسجون فى قضيه سرقه
سرق عم محسن صاحب الفرقه
الفرقه اللى كان شغال فيها طبال
وامه تسمع كلام يوجعها عليه بيتقال
وتلاقى عم احمد بنتاع الفكهه متلبش
واقف ينادى ويقول بحبك يا مشمش
وتشوف عيال الحاره بيلعبو كورة
ويترغمو على الاسطى ابو قوره
ويمسك فيهم ويضرب حسام وعبدو
والعيال تفضل تلعب بردو وتعندو
فيرش عليهم ميا هو وعم اسامه
تجرى العيال تعيط وتشتكى لعم حمامه
عم حمامه دا كبير الحاره كلها
وحافظها من شرقها لغربها
ويروح ويتخانق ويضرب ابو قوره السمكرى
ويجرى الحاج سيد يسلك ويقول(صلو على النبى)
وتتلم الحاره كلها وتضرب فى بعض
حتى العيال الصغيره فى بعضها بتعض
وفى عز الخناقه سمعت اذان العصر
لاقيت الناس سكتت وبتفرش الحصر
وتلاقى عم حمامه وابو قوره واقفين فى نفس الصف
دول لسه كانو بيتخنؤ ورأهم نشف من التف
وبعد الصلاه تلاقى كلو خارج ايدو فى ايد التانى
لعمر حد فيهم كان ولا هيكون انانى
وده ممكن يكون يوم عادى فى اى حاره
مش كلام جديد انا بقولو ولا منى شطاره
بس لاقيت الغرب بيقولو احنا بلاد الارهاب
وان احنا اللى صنعين فى الدنيا العذاب
فاحبيت اعرفكو احنا اد ايه طيبين
لا طلع منا ارهابى ولا مجرم ولا سفاحين
دا احنا كبرنا خناقه ونروح مهدودين
وشويه كلام بس عبنا بنسب الدين
الدين اللى هنفضل بيه متماسكين
شوفتو بقى احنا اد ايه متناقضين
دا احنا ناس على بركه ربنا عايشين
بناكل فول وطعميه وبقللنا راضيين
يبقى ممكن فى يوم نفكر نشيل سلاح
هههه دا احنا بنخاف من المخلل عشان فيه املاح
معدش عندى حاجه تتقال غير السلام
والحدء اللى ركز وفهم معنى الكلام