كلنا بنحبك يا حمار

**Admin** الأربعاء يوليو 14, 2010 1:04 am

بقولو في مطرب مكّار...بغني بحبك يا حمار
الواد ده وصويلي وكداب... ومنافق وكمان معّار
واشمعني لوحدو اللي يحبك...كلنا بنحبك يا حمار

ده الأرنب فعلا متفاهم...ومبرطع فينا ومش فاهم
وبيبعد عن اي تفاهم...بعزيمه غبيه واصرار

في عشره ما بينّا ما بتهونشي...وان هانت بردو ما نقدرشي
محكمت العدل ما تحكمشي..وان حكمت حتولّع نار

مثّلتو علينا الثلاثيه...في بطوله وكانت جماعيه
وعشان ما حتكمل سداسيه..عملتو الف حصار وحصار

وفي وسط ميدان الحريّه...في شعله مسكاها وليه
ما تكنش دي ليزا المخفيه...مدّيه اشارة انذار

وعلى العموم انا حبيتك..والاهي يخرب بيتك
لو يوم هتشك باخلاصي...وتصدّق دم الاشرار

هوا سؤال وما فهشي هذار...هوا انت حمار يا حمار
عشان تصدّق انو الفار..ممكن يقول لأسد يا حمار

وبعاهدك والعهد امانه..هتنّك على طول ويانا
حمورية اهلك عجبانا...يا واخدنا من الدار للنار

كل الحمير اهو عملت تيم...واتفقو انك بغل عظيم
وحيوزعو شراب برسيم..عالعربخانه وعالزوار

ارجوك يا حمار بس افهمني..انا مش حمّار حتخاف مني
ده انا بردو حمار واحمر منك...ما اتنهّئ قول اي حوار

بنقلك شي ما بتمشيشي..والحا بنقلها ما بتجيشي
وبنقلك هس ما بتيسش..وكمّل بينا المشوار
وعلشان كده طبعا حابينك...كلنا بنحبك يا حمار

[b]أظن كلنا عرفنا مين هو الحمار بس بلاش ذكر اسامي علشان المنتدى متراقب[/b]